Satua Bali

00.51 Edit This
"Satua Pemuteran Gunung Mandara"
Kacrita para dewatane parum ring puncak gunung mahamerune, sane baosangida, indik upaya mangda sida mikolihang tirta amerta. Watek detia miwah danawane, taler sareng parum sanntukan ipun taler mamutang tirta amerta.
Tan crita ring margi, kocap sampun rauh ring Sangkadwipa, genah segara susu punika. Irika wenten gunung ageng mawasta Gunung Mandara. Tegehipun (ayojana=100.000 depa).
Gunung Mandara punika kaabut olih Sang Anantaboga katut bongkolipun sami, kapulang ring segara susu punika.
Critaang satinut Hyang Segara ring pangindikan para dewatane. Ring segara susu punika wenten ratun empas, panumadian Bhatara Wisnu, mawasta Sang Akupa. Punika sane nyagga I gunung mandara, pinaka dasar, mawinan nenten klebu. Sang Basuki pinaka tali, ngelilit bangkiang gunung mandara punika, ring puncak ipun melinggih Sang Hyang Indra, pinaka peneteh mangda I gunung nenten ngemenekan.
Sapunika parindik para dewata danawane ngebur segara susu punika, majalaran saking muter gunung mandara punika.